Azərbaycan millisinin Millətlər Liqasındakı oyunlarının təqvimi bəlli oldu

Azərbaycan millisinin UEFA Millətlər Liqasının qrup mərhələsindəki oyunlarının təqvimi bəlli olub.

"Operativ Media" xəbər verir ki, yığmamız ilk görüşünü sentyabrın 5-də evdə İsveçə qarşı keçirəcək.

Komanda sentyabrın 8-də Slovakiyanın qonağı olacaq.

Milli oktyabrın 11-də səfərdə Estoniya, bundan üç gün sonra isə doğma azarkeşlər önündə Slovakiya kollektivi ilə münasibətlərə aydınlıq gətirəcək.

Komanda son iki qarşılaşmasını noyabrın 16-da evdə Estoniya, noyabrın 19-da səfərdə İsveçə qarşı keçirəcək