Portuqaliyaya ticarət dövriyyəsinin ümumi həcmi 91,2 dəfə artıb

Bu ilin yanvar ayında Azərbaycanın Portuqaliya ilə ticarət dövriyyəsinin ümumi həcmi 91,2 dəfə və ya 88,4 milyon ABŞ dolları artaraq 89,4 milyon dolları üstələyib.

"Operativ Media" xəbər verir ki, "Azərbaycan iqtisadiyyatı" Teleqram kanalının Dövlət Gömrük Komitəsinin hesabatı əsasında apardığı hesablamalara görə, cari ilin ilk ayında Azərbaycandan Portuqaliyaya 87,8 milyon dollar dəyərində məhsul ixrac edilib. Qeyd edək ki, 2023-cü ilin yanvar ayında bu ölkə ilə ixrac əməliyyatları aparılmayıb.

Portuqaliyadan Azərbaycana idxal edilən məhsulların dəyəri isə 58,8 faiz və ya 576,69 min dollar artaraq 1,55 milyon dollar təşkil edib.

2024-cü ilin yanvar ayının nəticələrinə görə, ölkənin ümumi ticarət dövriyyəsində Portuqaliya ilə ticarətin payı 3 faiz təşkil edib ki, bu da bir il öncəki eyni göstəricidən 2,97 faiz bəndi çoxdur.