Cənubi Koreyada elektronika tədarükü nəticəsində ixrac 10%-dək artıb

2024-cü ildə elektronika tədarükünün kəskin artması sayəsində Cənubi Koreyanın ixracı sürətlənib. Bu müsbət tendensiya göstərir ki, ticarət bu il ölkənin iqtisadi artımına kifayət qədər təsir edib.

"Operativ Media" bu barədə "Ferra.ru"ya istinadən xəbər verir ki, iş günləri nəzərə alındıqda, fevralın ilk 20 günündə ixracın dəyəri keçən ilin eyni dövrü ilə müqayisədə 9,9% artıb. 
Smartfonlara, süni intellektə və digər texnologiyalara tələbat hesabına yaddaş çiplərinin qiymətlərində də artım müşahidə olunub. Koreya ixracının artması çiplərə və elektronikaya güclü qlobal tələbi əks etdirir. Bu, qlobal iqtisadiyyatın və texnologiya sektorunun qorunmasına yaxşı təsir göstərir. Həmçinin bu, Cənubi Koreya və digər Asiya ölkələrinin iqtisadi bərpasına töhfə verir.

Lakin Yaxın Şərqdəki münaqişələr kimi geosiyasi gərginliklər artması ixracı dəyişdirə bilər. Eyni zamanda ABŞ-a ixracın artmasına baxmayaraq, Çin daha böyük idxal və ixrac tərəfdaşı olaraq qalır.