Rusiyanın ən varlı sahibkarlarının ümumi sərvəti ilin ilk iki ayında 11,084 milyard dollar artıb.

"Operativ Media" xəbər verir ki, bu barədə RİA Novosti Bloomberg Milyarderlər İndeksinin (BBI) məlumatlarına əsasən hesablama aparıb.

Məlumata görə, ümumilikdə BBI reytinqinə dünyanın 500 ən varlı adamı daxildir və hazırda onların arasında 26 Rusiya vətəndaşı var, onların ümumi sərvəti 345,11 milyard dollar təşkil edir.

Azərbaycan əsilli iş adamı Vahid Ələkbərov Rusiyanın ən varlıları siyahısında üçüncü yerdədir. Onun sərvəti 1,51 milyard dollar artaraq 26,2 milyarda çatıb.

Nərmin Qocamanlı