"Azərbaycan COP29 çərçivəsində yaşıl enerji istiqamətində böyük işlər görəcək" - Pərviz Şahbazov

"İşğaldan azad olunmuş ərazilərdə istehlakdan artıq enerji istehsalı nəzərdə tutulub".

"Operativ Media" xəbər verir ki, bunu jurnalistlərə açıqlamasında energetika naziri Pərviz Şahbazov deyib. 

Nazir qeyd edib ki, bütün binaların damında günəş panelləri var, küçələrin əksəriyyəti bərpa olunan enerji ilə işıqlandırılır. 

"Harada imkan varsa, biz orda yaşıl enerjinin tətbiqinə çalışırıq. Bura su elektrik stansiyaları, günəş panelləri və digər üsullar daxildir. Azərbaycanın Avropa ilə, Asiya ilə yaşıl enerji dəhlizinin yaradılması planları var, həmçinin Cəbrayıl rayonunda yaradılan günəş elektrik stansiyası və digər planlar var. Azərbaycan bu sahədə böyük işlər görür və bu addımlar davam edəcək".