AMB sədri Qətər Maliyyə Bazarları Təşkilatının rəhbəri ilə görüşüb

"Qətər Dövlətinə işgüzar səfərimiz çərçivəsində növbəti görüş Qətər Maliyyə Bazarları Təşkilatının rəhbəri Tami Əhməd Əli Əl Boutami Əl Binəli ilə oldu".

"Operativ Media" xəbər verir ki, bu barədə Azərbaycan Mərkəzi Bankının (AMB) sədri Taleh Kazımov "X"də bildirib.

O, qeyd edib ki, görüş zamanı Qətərin qiymətli kağızlar bazarının inkişafı və xarici investorlar üçün yaradılmış imkanlar müzakirə edilib:

"Həmçinin hər iki ölkənin nəzarət qurumları və qiymətli kağızlar bazarının iştirakçıları arasında əməkdaşlıq perspektivləri barədə əhatəli fikir mübadiləsi apardıq".