Rusiyada daha 3 xüsusi iqtisadi zona yaradılacaq

Rusiyada üç yeni xüsusi iqtisadi zona yaradılacaq və mövcud iki xüsusi iqtisadi zona genişləndiriləcək. 

"Operativ Media" xəbər verir ki, bununla bağlı müvafiq qərarı Rusiya Baş naziri Mixail Mişustin imzalayıb.

Qərara görə, Saranskda və Mordoviyanın Lyambirski bölgəsinin ərazisində yerləşəcək yeni "Sistema" iqtisadi zonası yaranacaq və burada 775 iş yeri açılacaq. Ən azı altı şirkət bu bölgələrin rezidenti olacaq, ümumi investisiya həcmi 33,3 milyard rublu keçəcək.

Səkkiz şirkət Novocherkasskda yeni "Rostovskaya" xüsusi iqtisadi zonasında fəaliyyət göstərməyi planlaşdırır. Burada 8,6 milyard rubl investisiya cəlb edəcək və 800-ə yaxın iş yeri yaradacaq.

Tver vilayətinin Kalininski və Konakovski rayonlarında “Emmauss” xüsusi iqtisadi zonası yaranacaq, burada özəl investorlar öz layihələrinə 17 milyard rubldan çox sərmayə qoymağa və təxminən 8,4 min iş yeri yaratmağa hazırdırlar.

Bundan əlavə, hökumət xüsusi iqtisadi zonaları genişləndirərək, Lipetsk iqtisadi zonasının ərazisini, Kaluqa vilayətinin Babyninski rayonundakı obyektləri, eləcə də keçmiş traktor zavodunun ərazisini əhatə edəcək.

“Rusiyada biznesin aparılması üçün xüsusi şəraitə malik regionların yaradılması istiqamətində işlər davam etdirilir, burada investorlar güzəştli şərtlərlə iqtisadi inkişaf üçün vacib layihələri həyata keçirə bilərlər”, - hökumətin bəyanatında deyilir.