http://operativmedia.az/frontend/img/svg/proqnozu.svg
Bakı 18 ° C

Mikayıl Cabbarov Sankt-Peterburqun qubernatoru ilə görüşüb - YENİLƏNİB

02 Aprel 2024 , 16:46
Mikayıl Cabbarov Sankt-Peterburqun qubernatoru ilə görüşüb - YENİLƏNİB

İqtisadiyyat naziri Mikayıl Cabbarov Rusiyanın Sankt-Peterburq şəhərinin qubernatoru Aleksandr Beqlovla görüşüb. Görüşdə Azərbaycan və Rusiya dövlət başçılarının davamlı inkişafa və iqtisadi potensialdan səmərəli istifadəyə böyük əhəmiyyət verməsi nəticəsində regional əməkdaşlığın, o cümlədən ikitərəfli iqtisadi fəaliyyətin gücləndiyi vurğulanıb.

İqtisadiyyat Nazirliyindən "Operativ Media"ya verilən məlumata görə, Azərbaycanın Rusiyanın regionları, o cümlədən Sankt-Peterburqla tərəfdaşlığı genişlənir. Azərbaycan Respublikası Hökuməti və Rusiya Federasiyasının Sankt-Peterburq Hökuməti arasında iqtisadi və humanitar sahələrdə əməkdaşlıq üzrə Hökumətlərarası Komissiyanın fəaliyyəti qarşılıqlı münasibətlərin inkişafına əlavə stimul verir.

Tərəflər iqtisadi əlaqələrin perspektivləri, sənaye, innovasiya, turizm, gəmiqayırma və digər sahələrdə birgə fəaliyyət imkanlarını müzakirə edib, ticarət və biznes işbirliyinin dəstəklənməsi üçün mövcud potensialı dəyərləndiriblər.

Sankt-Peterburq nümayəndə heyətinin Azərbaycana mədəniyyət və işgüzar missiyası çərçivəsində Azərbaycan Respublikası Hökuməti və Rusiya Federasiyasının Sankt-Peterburq Hökuməti arasında iqtisadi və humanitar əməkdaşlıq üzrə Hökumətlərarası Komissiyanın 4-cü iclası keçirilib. İclasda iqtisadi münasibətlərin hərtərəfli inkişafından məmnunluq ifadə edilib. Qeyd olunub ki, Azərbaycan və Rusiya arasında ticarət dövriyyəsində davamlı artım müşahidə edilir. 2023-cü ildə Rusiya ilə ticarət dövriyyəsi 2022-ci illə müqayisədə 17% artaraq 4,5 milyard dollara yaxın olub. Həmçinin, Azərbaycan Rusiyanın 80-ə yaxın subyekti ilə iqtisadi-ticarət sahəsində mühüm əlaqələr qurub, təxminən 20 subyektlə qarşılıqlı fəaliyyətə dair sənədlər imzalanıb.

Tədbirdə ölkəmizin biznes imkanları barədə məlumat verilib, sənaye, ticarət, nəqliyyat-tranzit və digər sahələrdə əməkdaşlıq perspektivlərinin böyük olduğu qeyd edilib. Sənaye zonaları və Ələt Azad İqtisadi Zonasında təqdim olunan güzəşt və stimullar, işğaldan azad edilmiş ərazilərimizdə aparılan yenidənqurma və bərpa işlərində iştirak imkanları barədə məlumat verilib.

Komissiya üzvləri qarşılıqlı fəaliyyətin səmərəsinin yüksəldilməsi, nəqliyyat, innovasiya və digər sahələrdə tərəfdaşlığın dərinləşdirilməsi, biznes nümayəndələri arasında işbirliyinin möhkəmləndirilməsi barədə fikirlərini bölüşüblər. İclas çərçivəsində prioritet sahələr, o cümlədən əczaçılıq, turizm, səhiyyə, əmək və əhalinin məşğulluğu, təhsil və digər sahələrdə birgə fəaliyyətin gücləndirilməsi barədə müzakirələr aparılıb.

Tədbirdə Azərbaycan və Sankt-Peterburq arasında iqtisadi, ticarət, humanitar, turizm və digər sahələrdə əməkdaşlığa həsr edilmiş video-çarx nümayiş olunub.

İclasda “2024-2028-ci illərdə Azərbaycan Respublikası Hökuməti və Rusiya Federasiyasının Sankt-Peterburq Hökuməti arasında ticarət-iqtisadi, elmi-texniki və mədəniyyət sahələrində əməkdaşlığa dair Tədbirlər Planı” təsdiq edilib. Sənədi iqtisadiyyat naziri Mikayıl Cabbarov və Sankt-Peterburq şəhərinin qubernatoru Aleksandr Beqlov imzalayıblar. Tədbirlər Planı ticarət, ekoloji təhlükəsizlik, səhiyyə, məşğulluq və sosial müdafiə, humanitar, şəhərsalma və arxitektura sahələri üzrə tərəfdaşlığın dəstəklənməsini təmin edəcək.

Hökumətlərarası Komissiyanın iclası çərçivəsində Azərbaycan Turizm və Menecment Universiteti ilə Sankt-Peterburqun Turizm və Qonaqpərvərlik sahəsində Beynəlxalq Kompetensiyalar Mərkəzi, Azərbaycan Sağlamlıq və Termal Turizmə Dəstək Assosiasiyası ilə Sankt-Peterburq Tibbi Turizm Agentliyi arasında qarşılıqlı anlaşma və əməkdaşlıq haqqında sənədlər imzalanıb.

***

13:47

İqtisadiyyat naziri Mikayıl Cabbarov Sankt-Peterburqun qubernatoru Aleksandr Beqlov ilə görüşüb.

"Operativ Media" xəbər verir ki, bu barədə nazir "X" hesabında paylaşım edib.

Görüşdə ikitərəfli iqtisadi münasibətlərin perspektivləri, sənaye, investisiya, innovasiya, turizm, gəmiqayırma kimi sahələrdə birgə fəaliyyətin gücləndirilməsi istiqamətində imkanlar müzakirə olunub. Ticarət və biznes tərəfdaşlığının dəstəklənməsi üçün mövcud potensialı dəyərləndirilib.

OXŞAR XƏBƏRLƏR
Samir Şərifov: Orta Dəhliz regionun tranzit potensialının tam şəkildə reallaşdırılmasına xidmət edəcək

Samir Şərifov: Orta Dəhliz regionun tranzit potensialının tam şəkildə reallaşdırılmasına xidmət edəcək

Azərbaycan və Dünya Bankı COP29 çərçivəsində əməkdaşlığı müzakirə ediblər

Azərbaycan və Dünya Bankı COP29 çərçivəsində əməkdaşlığı müzakirə ediblər

AMB sədri Qafqaz və Mərkəzi Asiya ölkələri ilə tərəfdaşlıq perspektivlərini müzakirə edib

AMB sədri Qafqaz və Mərkəzi Asiya ölkələri ilə tərəfdaşlıq perspektivlərini müzakirə edib

XƏBƏR LENTİ
  • 21:19

    ABŞ Ukraynaya ATACMS raketlərini təhvil verə bilər
  • 20:54

    Ersin Tatar Azərbaycana səfər edəcək
  • 20:33

    "Google map"da Azərbaycanla bağlı yenilik edilib - FOTO
  • 20:19

    Rusiya donanmasının ən qədim gəmisi vurulub
  • 19:57

    Netanyahu: "HƏMAS-a təzyiqləri artıracağıq"
  • 19:33

    Nigerdə ABŞ-yə qarşı aksiya keçirilib
  • 19:23

    "Sabah" "Kəpəz"i məğlub etdi
  • 19:13

    Xaçmaz bazarında yanğın baş verib
    Xaçmaz bazarında yanğın baş verib
Menyu