http://operativmedia.az/frontend/img/svg/proqnozu.svg
Bakı 18 ° C

Azərbaycan Asiya İnkişaf Bankı ilə COP29 çərçivəsində fəaliyyəti müzakirə edib - YENİLƏNİB

03 Aprel 2024 , 19:22
Azərbaycan Asiya İnkişaf Bankı ilə COP29 çərçivəsində fəaliyyəti müzakirə edib - YENİLƏNİB

İqtisadiyyat Nazirliyində nazir Mikayıl Cabbarovun Asiya İnkişaf Bankının (ADB) Mərkəzi və Qərbi Asiya Departamentinin baş direktoru Yevgeniy Jukov görüşündə iqlim dəyişikliyi ilə mübarizə üçün potensial maliyyələşmə imkanları, ADB-in COP29 çərçivəsində fəaliyyət və qlobal iqlim siyasəti sahəsində plan layihəsi və mümkün tərəfdaşlıq istiqamətləri müzakirə edilib.

Bu barədə "Operativ Media"ya İqtisadiyyat Nazirliyindən məlumat verilib.

Bildirilib ki, iqtisadiyyat naziri Mikayıl Cabbarov Azərbaycan və ADB arasında səmərəli əməkdaşlığın həyata keçirildiyini vurğulayıb. Bu il ölkəmizin ADB ilə tərəfdaşlığının 25 ilinin tamam olduğu qeyd edilib və bu faydalı əməkdaşlığın daha da dərinləşməsinin önəmi bildirilib. Bankın ətraf mühit, rəqəmsal inkişaf, dövlət-özəl sektor tərəfdaşlığı, enerji, ölkəmizin tranzit-logistika potensialının artırılması və müxtəlif infrastruktur layihələrinin maliyyələşdirilməsində yaxından iştirakı yüksək qiymətləndirilib.

Görüşdə dövlətə məxsus müəssisələrdə səmərəliliyin artırılması, həmin müəssisələrə özəl investisiyaların cəlb edilməsi məqsədilə görülən tədbirlər barədə məlumat verilib, bu istiqamətdə əməkdaşlıq imkanları nəzərə çatdırılıb.

Yevgeniy Jukov ADB-in Azərbaycanla əlaqələrə böyük əhəmiyyət verdiyini bildirib. Azərbaycanda iqtisadiyyatın şaxələndirilməsi, inklüziv artımın təşviqi ilə bağlı atılan addımların təqdirəlayiq hal olduğu qeyd edilib. Qurum rəsmisi COP29-un ev sahibi seçilməsi münasibətilə Azərbaycanı təbrik edib və ölkəmizin “yaşıl inkişaf” gündəliyinin əhəmiyyətinə toxunub. ADB-in COP29-la bağlı xüsusilə karbon bazarlarının inkişafı sahəsində texniki dəstək göstərməyə hazır olduğu ifadə olunub.

Tərəflər əməkdaşlığın hazırkı vəziyyəti və qarşılıqlı maraq doğuran məsələlər ətrafında fikir mübadiləsi aparıblar. İqlim dəyişikliyi ilə mübarizə üçün potensial maliyyələşmə imkanları, ADB tərəfindən COP29 çərçivəsində fəaliyyət və qlobal iqlim siyasəti sahəsində hazırlanmış plan layihəsi və mümkün işbirliyi istiqamətləri müzakirə olunub. 

***

18:05

İqtisadiyyat naziri Mikayıl Cabbarov Asiya İnkişaf Bankının (AİB) Mərkəzi və Qərbi Asiya Departamentinin baş direktoru Yevgeni Jukov ilə görüşüb.

"Operativ Media" xəbər verir ki, bu barədə nazir özünün "X" hesabında paylaşım edib.

Görüşdə Azərbaycan-AİB əməkdaşlığının gündəmindəki məsələlər: İqlim dəyişikliyi ilə mübarizə üçün potensial maliyyələşmə imkanları, COP29 çərçivəsində fəaliyyət və qlobal iqlim siyasəti sahəsində AİB-in plan layihəsi və potensial sahələr üzrə tərəfdaşlıq istiqamətləri müzakirə olunub.

OXŞAR XƏBƏRLƏR
Azərbaycanda nağdsız ödənişlərin həcmi artıb

Azərbaycanda nağdsız ödənişlərin həcmi artıb

İqtisadiyyat Nazirliyində “UK Export Finance” qurumunun qlobal mənşə üzrə həmsədri ilə görüş keçirilib

İqtisadiyyat Nazirliyində “UK Export Finance” qurumunun qlobal mənşə üzrə həmsədri ilə görüş keçirilib

Türkiyə mərkəzi bankı uçot dərəcəsini sabit saxlayıb

Türkiyə mərkəzi bankı uçot dərəcəsini sabit saxlayıb

XƏBƏR LENTİ
  • 16:00

    "Azərbaycan təhsil sistemində qiymətləndirmə prosesi ləğv olunmalıdır" - EKSPERT
  • 15:53

    Vəkilliyə namizədlərin təntənəli andiçmə mərasimi keçirilib
  • 15:49

    Blinken Pekinə səfər edib
  • 15:21

    "Barselona" Xavi ilə bağlı qərar verdi
  • 15:16

    Azərbaycan və Qırğızıstan prezidentləri Ağdam şəhərində olublar - YENİLƏNİB
    Azərbaycan və Qırğızıstan prezidentləri Ağdam şəhərində olublar - YENİLƏNİB
  • 15:16

    Azərbaycanda nağdsız ödənişlərin həcmi artıb
  • 15:14

    İqtisadiyyat Nazirliyində “UK Export Finance” qurumunun qlobal mənşə üzrə həmsədri ilə görüş keçirilib
  • 15:11

    Türkiyə mərkəzi bankı uçot dərəcəsini sabit saxlayıb
Menyu