Bu ilin ilk üç ayında İrandan Pakistana ixracın həcmi 16% artıb

2024-cü ilin ilk üç ayında İrandan Pakistana ixracın həcmi 16% artıb.

"Operativ Media" xəbər verir ki, bu barədə Pakistan Ticarət Nazirliyinin son məlumatlarında qeyd olunub.

Bildirilib ki, İranın Asiya ölkəsinə ixracı ilin birinci rübündə keçən ilin eyni dövrü ilə müqayisədə 16 faiz artaraq 286 milyon dollara çatıb.

Pakistan ötən ilin eyni dövründə 247 milyon dollar dəyərində mal idxal edib.

Pakistanın İrandan idxalı 2024-cü ilin üçüncü ayında keçən ilin eyni dövrü ilə müqayisədə 25 faiz artaraq 95,6 milyon dollara çatıb.