2024-cü ilin yanvar may aylarında Azərbaycanda bina tikintisi ilə məşğul olanlarla edilən nağdsız alqı-satqıya görə qaytarılan ƏDV 8 milyon manatı ötüb.

"Operativ Media" xəbər verir ki, bu barədə Dövlət Vergi Xidməti məlumat yayıb.

Məumatda bildirilir ki, ilk 5 ayda ölkə ərazisində bina tikintisi fəaliyyəti ilə məşğul olan şəxslərdən nağdsız qaydada alınmış yaşayış və qeyri-yaşayış sahələrinə görə ödənilmiş ƏDV-nin qaytarılan həcmi 8 milyon 169,2 manat olub.

Qeyd edək ki, tikinti obyektlərini alarkə ƏDV yalnız o halda qaytarılır ki, ödənişlər nağdsıy qaydada həyata keçirilsin.

Digər tərəfdən ev və obyekt alanda ƏDV-nin qaytarılan hissəsi, başqa sahələrdən fərqlidir. Belə ki, müştərilərə ƏDV-nin 30%-a iqaytarılır.