http://operativmedia.az/frontend/img/svg/proqnozu.svg
Bakı 18 ° C

Növbəti “Zabit ixtisas hazırlığı kursu”nun buraxılış mərasimi keçirilib

12 İyun 2024 , 19:59
Növbəti “Zabit ixtisas hazırlığı kursu”nun buraxılış mərasimi keçirilib

Müdafiə Nazirliyinin Milli Müdafiə Universitetinin nəzdində fəaliyyət göstərən Azərbaycan Ordusunun Təlim və Tədris Mərkəzində növbəti “Zabit ixtisas hazırlığı kursu”nun buraxılış mərasimi keçirilib.

"Operativ Media" xəbər verir ki, bu barədə Müdafiə Nazirliyi məlumat yayıb.

Bildirilib ki, mərasimdə əvvəlcə Ümummilli Lideri Heydər Əliyevin, Vətənimizin suverenliyi və ərazi bütövlüyü uğrunda şəhid olanların əziz xatirəsi bir dəqiqəlik sükutla yad edilib. Hərbi orkestrin müşayiəti ilə Azərbaycan Respublikasının Dövlət Himni ifa olunub. Müdafiə nazirinin birinci müavini – Azərbaycan Ordusunun Baş Qərargah rəisi general-polkovnik Kərim Vəliyev məzunları salamlayaraq onları Azərbaycan Respublikasının müdafiə naziri və öz adından təbrik edib.

Gənc zabitlərə gələcək xidməti fəaliyyətlərində uğurlar arzulayan general-polkovnik K.Vəliyev onlara seçdikləri şərəfli yolda xidmətlərini nizamnamələrin tələblərinə uyğun qurmağı, ədalətli olmağı, Vətənə sədaqətlə xidmət etməyi, tabeliklərində olan şəxsi heyətin döyüş və mənəvi-psixoloji hazırlığının, vətənpərvərlik hissinin daha da yüksəldilməsində məsuliyyətlə çalışmalarını tövsiyə edib.

Baş Qərargah rəisi “Zabit ixtisas hazırlığı kursu”nu yüksək balla bitirən ilk üç dinləyiciyə sertifikatları təqdim edib. Daha sonra Milli Müdafiə Universitetinin rektoru polkovnik Gündüz Əbdülov çıxış edərək gənc zabitləri təbrik edib, onlara gələcək xidmətlərində uğurlar arzulayıb.

Gənc zabitlər adından çıxış edən leytenant İbrahim Əliyev, kurs müddətində qazandıqları bilikləri və praktiki vərdişləri xidmət yerlərində uğurla tətbiq edəcəklərinə, üzərlərinə düşən vəzifə borclarını layiqincə yerinə yetirəcəklərinə söz verib.

Sonra “Zabit ixtisas hazırlığı kursu”nu müvəffəqiyyətlə bitirən məzunlara sertifikatlar təqdim edilib, kurs birincisi tərəfindən rəmzi yaş kötüyünə xatirə lövhəsi vurulub. 

OXŞAR XƏBƏRLƏR
Zakir Həsənov Qazaxıstanın hərbi gəmilərindən birini ziyarət edib - VİDEO

Zakir Həsənov Qazaxıstanın hərbi gəmilərindən birini ziyarət edib - VİDEO

“Birləşdik – 2024” təlimində bir sıra tədbirlər keçirilib

“Birləşdik – 2024” təlimində bir sıra tədbirlər keçirilib

Müdafiə naziri Qazaxıstana səfər edib

Müdafiə naziri Qazaxıstana səfər edib

XƏBƏR LENTİ
  • 19:23

    Zakir Həsənov Qazaxıstanın hərbi gəmilərindən birini ziyarət edib - VİDEO
  • 19:13

    Mirzoyan: Normallaşma hamı üçün faydalıdır
    Mirzoyan: Normallaşma hamı üçün faydalıdır
  • 18:58

    "Azerspace-1" peykinin kanal paketinə iki Özbəkistan kanalı əlavə edilib
  • 18:18

    Azərbaycan Respublikası Konstitusiya Məhkəməsi Palatasının növbəti iclası keçirilib
  • 18:17

    Ceyhun Bayramov Beynəlxalq Miqrasiya Təşkilatının ölkəmizdəki missiyasının rəhbəri Troy Dulini qəbul edib
  • 17:59

    Fərqli əyləncə axtarırsınızsa, yaxta kirayələyə, paraşütlə uça bilərsiniz - QİYMƏTLƏR
  • 17:57

    Mingəçevirdə şəhərdaxili avtobus marşrutları müsabiqəyə çıxarılır
  • 17:38

    Ödənişsiz seçkiqabağı təşviqat aparılacaq media subyektləri müəyyənləşib
Menyu