Tramp UFC ulduzlarına Ağ Evdə vəzifə təklif edib

ABŞ Prezidenti Donald Tramp UFC rəhbəri Dana Uaytın Ağ Evin mətbuat katibi vəzifəsinə təyin olunacağı təqdirdə bir sıra tanınmış döyüşçülərin onun köməkçiləri olmasını təklif edib.

Operativ Media xəbər verir ki, Tramp bu barədə “Truth Social” hesabında paylaşım edib.

ABŞ lideri köməkçi vəzifələrinə İslam Mahaçev, Həbib Nurməhəmmədov, Castin Getji, Daniel Kormye, Amanda Nunes və Kayla Harrisin cəlb olunmasını istədiyini bildirib. O, namizədlərdən bəzilərinin ABŞ vətəndaşı olmadığını da qeyd edib.

Tramp paylaşımında həmin şəxslərin ölkəni “radikal solçulardan” qorumaq üçün lazım olduğunu vurğulayaraq Dana Uaytı təklifi qəbul etməyə çağırıb.