2024-cü ilin ilk beş ayında (yanvar-may) uşağın anadan olmasına görə 43 317 nəfərə proaktiv qaydada birdəfəlik müavinət təyin olunub.

"Operativ Media" xəbər verir ki, bu barədə Dayanıqlı və Operativ Sosial Təminat Agentliyindən (DOST) məlumat verilib.

Qeyd edilib ki, uşağın anadan olmasına görə birdəfəlik müavinət şəxsin müraciəti olmadan hüququ yaranan an, yəni, uşağa doğum haqqında şəhadətnaməsi alındıqdan sonra proaktiv təyin olunur və valideynlərdən birinin (ata və ya ananın) adına olan mobil nömrəyə sms bildiriş göndərilir.