Mövcud qanunvericiliyə əsasən, avtonəqliyyat vasitəsi sahiblərinin mülki məsuliyyətinin icbari sığortası üzrə sığorta məbləğinin  maksimum həddi 5 min manatdır. Bəzi hallarda isə sığorta şirkətləri avtomobilə görə dəyən zərərin ödənməsi üçün təyin olunan sığorta ödənişlərini gecikdirir. Bəs, əslində, neçə günə ödəniş edilməlidir?

Sığorta üzrə ekspert İlkin İbrahimov “Operativ Media”ya açıqlamsında bildirib ki, ödəşin müddəti icbari sığortalar haqqında qanun 18-ci maddəsi ilə tənzimlənir və konkret olaraq müddət göstərilir:

“İcbari sığortalar haqqında qanun 18-ci maddəsi deyir ki, bütün sənədlər sığorta şirkətinə daxil olubsa, sığorta şirkəti 7 iş günü müddətinə müştəriyə rəsmi cavab verməlidir: ya imtina barədə əsaslandırılmış məktub, ya da pul ödənilməlidir. Əgər bundan sonra cavab verilməzsə, hər gecikdirilmiş gün üçün 0,1 % dəbbə pulu hesablanmalıdır. Bəzi hallarda gecikmə bank tərəfindən olur. Lakin banka məktub yazılıbsa, bu, sığort şirkətinin məsuliyyəti olmur”.