Azərbaycanlı futbolçu Polşa klubundan ayrıldı

Azərbaycan millisinin futbolçusu Rahil Məmmədov Polşanın LKS klubundan ayrılıb.

"Operativ Media" xəbər verir ki, bu barədə Lodz təmsilçisinin rəsmi saytı məlumat yayıb.

Klub müdafiəçinin müqaviləsinə qarşılıqlı razılıq əsasında xitam verildiyini vurğulayıb.

Qeyd edək ki, Rahil Məmmədov 2024-cü ilin əvvəlində "Qarabağ"dan bu kluba keçmişdi.