Azərbaycan BRİKS-in tamhüquqlu üzvü olmaq istəyir.
"Operativ Media" TASS-a istinadən xəbər verir ki, bunu Milli Məclisin (MM) sədri Sahibə Qafarova BRİKS ölkələrinin X Parlament Forumunda çıxışı zamanı bildirib.
MM sədri qeyd edib ki, Azərbaycan öz xarici siyasətində dialoqu, əməkdaşlığı və həmrəyliyi təşviq edir. Onun fikrincə, parlamentlər səviyyəsində əməkdaşlığın inkişafı bu məqsədə nail olmağa kömək edəcək.
Milli Məclisin sədri BRİKS Parlment Forumunun səmərəli əməkdaşlıq platformasına çevriləcəyinə əminliyini ifadə edib.
