Çimərliklərdə təhlükəli vəziyyətlə qarşılaşmamaq üçün nələrə diqqət edilməlidir?

Azərbaycan Respublikasının Baş Prokurorluğu tərəfindən çimərlik mövsümündə suda boğulma halları ilə bağlı maarifləndirici məlumat hazırlanıb.

"Operativ Media" xəbər verir ki, məlumatda deyilir: 

"Çimərliklərdən istifadə zamanı tövsiyə edilir:

- Suya girməzdən əvvəl şərtləri yoxlayın: hər hansı xəbərdarlıq bayraqları varmı? Su şəraiti, çimərlik şəraiti və potensial təhlükələr haqqında xilasedicidən soruşun.

- Yalnız üzmə bacarığınızdan əmin olduğunuz halda öz hündürlüyünüzdən dərin suya daxil olun.

- Öz hündürlüyünüzdən dərin suda tək üzməməyə çalışın. 

- Başqa bir şəxsin suda boğulma təhlükəsində olduğunu gördükdə özünüz müdaxilə etməzdən əvvəl yaxınlıqdakı xilasedicilərə müraciət edin.

Çimərliklərdə diqqət edilməlidir:

1.    Uşaqlar yalnız böyüklərin müşayiəti ilə çimərlikdən istifadə etməlidir.

2.    Uşaqlar çimərlikdə nəzarətsiz qoyulmamalıdır.

3.    Uşaqlar çimərlikdə yalnız onlar üçün ayrılmış yerlərdə çimməlidir.

4.    Xilasedicilərin çağırış və tələblərinə sözsüz əməl edilməlidir.

5.    Xəbərdaredici nişanların və lövhələrin tələblərinə əməl olunmalıdır.

6.    Günün qızmar saatlarında günəş altında fasiləsiz dayanmaq səhhət üçün təhlükəlidir.

7.    Hava qaraldıqdan sonra suya daxil olmaq təhlükəlidir.

8.    Çimərliklərdə istirahət saat 09:00-dan 20:00-dək daha təhlükəsizdir".