II Şuşa Qlobal Media Forumunun iştirakçıları Şuşadakı DOST filialında olublar

Şuşada keçirilən 2-ci Qlobal Media Forumunun iştirakçıları yeni istifadəyə verilən Dövlət Xidmətləri Mərkəzində DOST filialı ilə tanış olublar.

ƏƏSMN-dən "Operativ Media"ya verilən məlumata görə, Forum iştirakçılarına DOST konsepsiyası haqqında məlumat verilib. Qeyd olunub ki, DOST mərkəzləri Azərbaycan əhalisinin dayanıqlı və operativ sosial təminat xidmətləri ilə təmin olunması məqsədilə yaradılıb. DOST təcrübəsinin bir çox beynəlxalq mükafatlara layiq görüldüyü, həmçinin bir sıra ölkələrin DOST modelinin tətbiqinə maraq göstərdikləri diqqətə çatdırılıb.

Qeyd edək ki, bu ilin 5 iyul tarixində Prezident İlham Əliyevin iştirakı ilə Şuşada Dövlət Xidmətləri Mərkəzinin açılışı olub.