Bakı Dövlət Universiteti (BDU) və Türkiyənin Bayburt Universiteti arasında anlaşma memorandumu imzalanıb. 

Universitetdən "Operativ Media"ya bildirilib ki, sənədi BDU-nun rektoru Elçin Babayev və Bayburt Universitetinin rektoru Mutlu Türkmen imzalayıblar.

Memorandum təhsil və tədqiqat sahəsində hər iki universitet arasında əməkdaşlıq əlaqələrinin inkişaf etdirilməsi məqsədini daşıyır. Müqavilə çərçivəsində bakalavr, magistrant, tədqiqatçılar və akademik heyətin mübadiləsi nəzərdə tutulur.

Əsası 2008-ci ildə qoyulmuş Bayburt Universiteti Türkiyənin nüfuzlu ali təhsil müəssisələrindən biri hesab olunur. Bayburt Universitetində 9 fakültə, 6 peşə məktəbi fəaliyyət göstərir və 16000-dən çox tələbə təhsil alır.