2024/2025 tədris ilindən etibarən Bakıda fəaliyyət göstərməsi planlaşdırılan Türkiyə – Azərbaycan Universitetinin yerləşəcəyi bina məlum olub.

"Operativ Media"nın əldə etdiyi məlumata görə, universitet Bakı Ali Neft Məktəbinin Xətai metrostansiyasının çıxışındakı (Xocalı prospekti 30) binasında fəaliyyətə başlayacaq.

Bu ünvandakı Bakı Ali Neft Məktəbi isə ləğv olunmuş Bakı Fransız liseyinin binasına köçəcək.

Qeyd edək ki, Bakı Ali Neft Məktəbinin Səbail rayonunun Bibiheybət qəsəbəsindəki kampusu fəaliyyətini öz yerində davam etdirir.