"Müsabiqənin məqsədi bilik və bacarıqları yüksək, perspektivli müəllimləri tədris prosesinə qazandırmaqdır".

"Operativ Media"  xəbər verir ki, bunu Ümumi Təhsil üzrə Dövlət Agentliyinin mətbuat katibi Zenfira Sevdimalı jurnalistlərə açıqlamasında deyib.

O, bildirib ki, uğur qazanan namizədlər məktəblərdə müddətsiz əmək müqaviləsi ilə çalışmaq imkanı qazanacaqlar

"Müəllimlərin işə qəbulu müsabiqəsi rəqabətli əsaslarla peşəkar müəllim seçir. Müsahibə zamanı namizədlərin peşəkar kompetensiyaları, psixoloji hazırlığı və ümumi dünyagörüşü müsahibə proqramına uyğun olaraq müvafiq komissiya tərəfindən yoxlanılacaq. Rəqabətli əsaslarla seçilən, müsahibə mərhələsində uğur qazanan namizədlər ümumi təhsil müəssisələrində müddətsiz əmək müqaviləsi ilə çalışmaq imkanı qazanacaqlar".