Maryana Bezuqlaya: F-16-ı ukraynalıların özləri tərəfindən vurulub
Maryana Bezuqlaya Ukrayna Silahlı Qüvvələrinin Hərbi Hava Qüvvələrini yalan danışmaqda ittiham edib.
"Operativ Media" "TASS"a istinadən xəbər verir ki, Ukraynaya təhvil verilən və Ukrayna hərbçilərinin qəzaya uğradığını bildirən F-16 qırıcısı səhvən Patriot hava hücumundan müdafiə sistemi tərəfindən vurulub.
Bunu Ali Radanın deputatı Maryana Bezuqlaya Telegram kanalında yazıb.
“Məndə olan məlumata görə, ukraynalı pilot Aleksey Moonfish Mesyanın F-16 təyyarəsi bölmələr arasında koordinasiya pozulduğuna görə Patriot zenit-raket kompleksi tərəfindən vurulub”.
Deputat Ukrayna Hərbi Hava Qüvvələrini yalan danışmaqda ittiham edib, çünki onlar təyyarənin itirilməsinin səbəbini qəza adlandırıblar. “Ukrayna Silahlı Qüvvələrinin Hərbi Hava Qüvvələrinin komandanlığında, eləcə də digər yüksək rütbəli hərbi qərargahlarda yalan mədəniyyəti ona gətirib çıxarır ki, hərbi qərarların idarə edilməsi sistemi düzgün, ardıcıl olaraq toplanmış məlumatlar əsasında təkmilləşmir”, - o deyib.
Deputatın sözlərinə görə, qırıcının itirilməsi və pilotun ölümü ilə əlaqədar generalların heç biri cəzalandırılmayıb, Ukrayna Silahlı Qüvvələrinin Hərbi Hava Qüvvələrinin komandanı Nikolay Oleşçuk isə tutduğu vəzifədən kənarlaşdırılmayıb.
Xatırladaq ki, bir müddət əvvəl Amerika rəsmisi The Wall Street Journal-a Ukraynanın ona çatdırılan F-16 qırıcılarından birincisini itirdiyini təsdiqləmişdi. Eyni zamanda, Amerika hakimiyyətinin adı açıqlanmayan nümayəndəsi təyyarənin vurulmaması və qəzanın pilot səhvi ucbatından baş verdiyi barədə açıqlama verib.
Daha sonra Ukrayna Hərbi Hava Qüvvələri CNN-in məlumatına görə, F-16-nı idarə etmək üçün təlim keçmiş ukraynalı pilot Mesyanın ölümünü təsdiqləyib.
Ukrayna Silahlı Qüvvələrinin Baş Qərargahı da təyyarənin qəzaya uğraması nəticəsində hava döyüşü zamanı bir hərbçinin öldüyünü bildirib.
