Belarus Polşa sərhədi yaxınlığında hərbi təlimlər keçirəcək.

"Operativ Media" xəbər verir ki, bu barədə Belarus Müdafiə Nazirliyinin mətbuat xidməti məlumat yayıb.

Məlumata görə, sentyabrın 3-dən 27-dək Brest vilayətinin Kamenets rayonunda ərazi qoşunlarının çağırışçıları ilə təlim məşğələləri keçiriləcək.

Belarus Müdafiə Nazirliyindən bildiriblər ki, təlimin məqsədi “ərazi qoşunlarının hərbi hissələrinin formalaşdırılmasında rayon icraiyyə komitəsinin vəzifəli şəxslərinin və hərbi xidmətə cəlb olunanların tapşırıqların yerinə yetirilməsi üzrə bacarıqlarını artırmaqdır”.