HƏMAS girovlara görə İsraili hədələyib

Qəzza zolağında saxlanılan israilli girovlara təyin olunmuş mühafizəçilər İsrail ordusunun onların saxlandıqları yerlərə yaxınlaşması ilə bağlı xüsusi göstərişlər alıblar.

"Operativ Media" xəbər verir ki, bunu Fələstin HƏMAS hərəkatının hərbi qanadının - İzzəddin əl-Qəssam Briqadası qrupunun rəsmi nümayəndəsi Əbu Ubeydə təsdiqləyib.

“Biz tamamilə birmənalı deyirik: Nuseyratda baş verənlərdən (bu ilin iyununda dörd girovun uğurla azad edilməsi əməliyyatı nəzərdə tutulur) sonra məhbusları mühafizə edən əsgərlər girovlarla necə davranmalı olduqları ilə bağlı yeni təlimatlar alıblar. İsrail hərbçilərinin saxlandıqları yerə yaxınlaşması”, – Əbu Ubeydənin rəsmi Telegram kanalında dərc olunan bəyanatında deyilir.

Radikalların sözçüsü hədələyib ki, “Qəzzada atəşkəs haqqında saziş bağlamaq əvəzinə əsirləri hərbi təzyiq yolu ilə azad etmək cəhdlərinin davam etdirilməsi yalnız girovların tabutlarda ailələrinə qaytarılacağı anlamına gələcək”, - deyə bildirilib.