Azərbaycan millisinin Slovakiya oyununu norveçli hakimlər idarə edəcək

Azərbaycan və Slovakiya yığmaları arasında keçiriləcək UEFA Millətlər Liqasının qrup mərhələsinin 4-cü turunun matçına norveçli hakimlər təyinat alıblar.

"Operativ Media" xəbər verir ki, bu barədə UEFA-nın rəsmi saytı məlumat yayıb.

Qarşılaşmanı FIFA referisi Rosit Saqqi idarə edəcək.

Ona Morten Yensen və Anders Olav Dale kömək göstərəcək. Siqurd Krinqstad dördüncü hakim funksiyasını yerinə yetirəcək.

Oktyabrın 14-də Tofiq Bəhramov adına Respublika stadionunda baş tutacaq qarşılaşma saat 20:00-da start götürəcək.