21 yaşadək futbolçular arasında Avropa çempionatının seçmə mərhələ oyunları keçirilir.

"Operativ Media" xəbər verir ki, Azərbaycan millisi bu gün qrupda sonuncu - 10-cu oyununa çıxacaq.

Səfərdə İngiltərənin U-21 komandası ilə keçiriləcək oyun Bakı vaxtı ilə saat 22:30-da başlayacaq. Matçı xorvatiyalı qadın hakim İvana Martinçiç idarə edəcək.

Bu ilin mart ayında komandalar arasında Bakıda keçirilən görüşdə ingilislər 5:1 hesabı ilə qalib gəlib.

Qeyd edək ki, qrupda keçirdiyi 8 oyunda uduzan və cəmi 1 qələbə qazanan millimiz 3 xalla sonuncu pillədədir. İngiltərə isə 22 xalla 2-cidir.

15 oktyabr

22:30. İngiltərə U-21 - Azərbaycan U-21

Baş hakim: Ivana Martinçiç (Xorvatiya)