Direktorların işə qəbulu üzrə test imtahanı keçirilir

Məktəbəqədər və Ümumi Təhsil üzrə Dövlət Agentliyindən "Operativ Media"ya verilən məlumata görə, müsabiqənin test imtahanı mərhələsinə 1652 namizəd dəvət edilib.

Test imtahanında namizədlərə pedaqogika və metodika üzrə 20 sual, tənqidi oxu bacarığı, təhsil və idarəetmə üzrə qanunvericilik, liderlik və menecment, riyazi məntiq üzrə hər birinə aid 10 sual olmaqla ümumilikdə 60 test tapşırığı təqdim edilir. Təqdim olunan sualların yarısını düzgün cavablandırmış namizədlərə yazı işi üzrə esse mövzuları təqdim olunur.

Namizədin seçdiyi esse mövzuları üzrə mümkün 10 baldan yarısını toplayanlar müsahibə mərhələsinə buraxılır.