Müdafiə Nazirliyindən "Operativ Media"ya verilən məlumata görə, seminarda Müdafiə Nazirliyi və Hərbi Prokurorluğun nümayəndələri iştirak edib.
Əvvəlcə xalqımızın Ümummilli Lideri Heydər Əliyevin, ölkəmizin azadlığı, ərazi bütövlüyü və suverenliyi uğrunda şəhid olanların, eləcə də 25 dekabr 2024-cü il tarixdə aviaqəzada həlak olanların xatirələri bir dəqiqəlik sükutla yad edilib. Azərbaycan Respublikasının Dövlət Himni səsləndirilib.
Tədbirdə Azərbaycan Ordusunda korrupsiyaya qarşı mübarizənin gücləndirilməsi məqsədilə həyata keçirilən tədbirlər, mövcud problemlər və onların həlli yolları müzakirə edilib. Bildirilib ki, bu cür seminarın keçirilməsi korrupsiyaya qarşı mübarizə tədbirlərinin səmərəliliyinin artırılmasında vacib bir addımdır.
Sonda seminar iştirakçılarını maraqlandıran bir sıra məsələlərə dair ətraflı fikir mübadiləsi aparılıb.