Şirvanda həmyerlisini bıçaqlayan şəxs saxlanılıb

Daxili İşlər Nazirliyi mətbuat xidmətinin Şirvan regional qrupundan "Operativ Media"ya verilən məlumata görə, bu gün günorta saatlarında Şirvan şəhər sakini Q. Salayev aralarında yaranmış mübahisə zəminində həmyerlisi N. Abışova müxtəlif dərəcəli bədən xəsarətləri yetirib. Q. Salayev polis əməkdaşları tərəfindən saxlanılıb, araşdırmalar aparılır.

Qeyd edək ki, xəsarət alan şəxs Şirvan Şəhər Mərkəzi Xəstəxanasına yerləşdirilib. Ona lazımı tibbi yardım göstərilib və həkimlərin nəzarətindədir.