Biləsuvarda yol qəzası nəticəsində 6 nəfər xəsarət alıb

06.02.2025-cü il tarixində saat 13:00 radələrində yol-nəqliyyat hadisəsi səbəbilə xəsarət alan 6 nəfər (5-kişi, 1-i qadın olmaqla) Biləsuvar Rayon Mərkəzi Xəstəxanasına hospitalizasiya olunub.

TƏBİB-dən Operativ Media-ya verilən məlumata görə, onlara bədənin müxtəlif nahiyələrinin çoxsaylı travmaları diaqnozu təyin edilib.

Hazırda tibb müəssisəsinin Təcili tibbi yardım şöbəsində müalicəsi davam etdirilən şəxslərin vəziyyətləri orta ağır olaraq qiymətləndirilir.