31 Yanvar 2023, 18:13
Pakistanda qayığın aşması nəticəsində ölənlərin sayı 41-ə yüksəlib

Pakistanın Hayber Paxtunxva əyalətində qayığın bənddə batması nəticəsində həyatını itirənlərin sayı 41-ə yüksəlib.
"Operativ Media" xəbər verir ki, Pakistanın Kohat bölgəsindəki Tanda bəndində qayığın batması nəticəsində başlayan axtarış-xilasetmə işlərində daha 11 nəfərin cəsədi tapılıb.
Səlahiyyətlilər həyatını itirənlərin sayının 41-ə yüksəldiyini və ölənlərin əksəriyyətinin uşaqlar olduğunu açıqlayıb.
Bildirilib ki, daha 9 nəfərin axtarışları davam etdirilir.
Qeyd edək ki, mədrəsə tələbələrinin Tanda bəndində əylənmək üçün getdikləri qayıq yanvarın 29-da həddindən artıq yüklənmə səbəbindən batıb.