İtaliyanın ən güclü mafiya təşkilatlarından birinin üzvü olduğu güman edilən və adam öldürməkdə təqsirli bilinən Edqardo Qreko aşpazlıq edərkən yaxalanıb və 16 il qaçdıqdan sonra həbs edilib.

"Operativ Media" xarici KİV-ə istinadən xəbər verir ki, 63 yaşlı Edqardo Qreko İtaliyanın cənubundakı Kalabriyada güclü mafiya təşkilatı olan məşhur "Ndrangheta"nın üzvü olmaqda şübhəli bilinir.

Fransa prokurorlarının bildirdiyinə görə, İnterpol Fransanın Sent-Etyen şəhərində təxəllüsdən istifadə edən və italyan restoranını işlətdiyi Qrekonu həbs edib.

İnterpolun verdiyi açıqlamada, "təhlükəli qaçaq" olaraq xarakterizə edilən Grekonun Stefano və Cüzeppe Bartolomeonun qətlinə görə ömürlük həbs cəzasını çəkməsi üçün İtaliyada axtarıldığı bildirilib.

O, həmçinin 1990-cı illərin əvvəllərinə damğasını vuran Pino Sena və Perna Pranno dəstələri arasında mafiya müharibəsinin bir hissəsi olaraq Emiliano Mosciaro-nu öldürməyə cəhddə ittiham olunurdu.