Salyanda narkotiklərin satışı ilə məşğul olan şəxs həbs edilib

Salyan Rayon Polis Şöbəsinin əməkdaşlarının həyata keçirdikləri əməliyyat tədbirləri nəticəsində rayon ərazisində narkotik vasitələrin qanunsuz dövriyyəsini təşkil edən əvvəllər məhkum olunmuş Bəhruz Həsənov saxlanılıb.

Operativ Media-ya DİN-in Mətbuat Xidmətinin Şirvan regional qrupundan verilən məlumata görə, ondan 6 kiloqram marixuana, heroin və psixotrop maddə metamfetamin aşkarlanıb.

Faktla bağlı cinayət işi başlanılıb, B.Həsənov  barəsində həbs qətimkan tədbiri seçilib.