Azərbaycan XİN İranda baş vermiş partlayışla bağlı başsağlığı verib

Azərbaycan Respublikasının Xarici İşlər Nazirliyi İran İslam Respublikasının Bəndər-Abbas şəhərində yerləşən Şəhid Rəcai Limanında baş vermiş güclü partlayışla bağlı bəyanat yayıb.

Operativ Media xəbər verir ki, məlumatda deyilir:

“İran İslam Respublikasının Bəndər-Abbas şəhərində yerləşən Şəhid Rəcai Limanında baş vermiş dəhşətli partlayış bizi dərin kədərə boğdu. Hadisə nəticəsində həyatını itirənlərin ailələrinə və yaxınlarına, həmçinin İran xalqına və hökumətinə səmimi başsağlığımızı bildirir, yaralananların tezliklə sağalmasını diləyirik".