ABŞ Senatı Devid Perdunu Amerikanın Çindəki yeni səfiri vəzifəsinə təsdiq edib.

Operativ Media xəbər verir ki, Perdunun namizədliyini 67 senator dəstəkləyib, 29-u isə əleyhinə səs verib.

Qeyd edək ki, Perdu 2015-2021-ci illərdə Corciya senatoru vəzifəsində çalışıb.

Bundan əvvəl o, "Reebok" və "Dollar General" kimi iri şirkətlərdə rəhbər vəzifələrdə çalışıb.

Sahibkar eyni zamanda bir neçə il Sinqapurda "Gitano Group"un idarəedici direktoru vəzifəsində və Honq Konqda "Sara Li" Korporasiyasının filialında işləyib.