Şoyqu: Sülhməramlı qüvvələrin Ukraynaya yerləşdirilməsi gərginliyi artıracaq

Qərb sülhməramlılarının Ukrayna ərazisinə yerləşdirilməsi işğal faktorudur.

Operativ Media xəbər verir ki, bunu Rusiya Təhlükəsizlik Şurasının katibi Sergey Şoyqu BRICS-in yüksək təhlükəsizlik məsələlərinin ikinci sessiyasının video-iclasında deyib.

"Biz bəzi psevdo-sülhməramlıların Ukrayna ərazisinə daxil edilməsi planlarını müşahidə etdik. Ukraynanın qərb rayonlarının avropalılar tərəfindən işğalının bütün əlamətləri var. Lakin Kiyevdə bunu görmürlər və ya qəsdən fərq etməməyə çalışırlar", - Şoyqu bildirib.

Aprelin 24-də Şoyqu bəyan edib ki, Avropa qoşunlarının Ukraynaya göndərilməsi üçüncü dünya müharibəsinin başlamasına səbəb ola bilər.

Onun fikrincə, belə sülhməramlıları işğalçı adlandırmaq daha düzgün olardı, çünki Qərb dövlətləri onlardan Ukrayna ərazilərinə və onun resurslarına nəzarət etmək üçün istifadə etməyi planlaşdırır.