Pakistan Əfqanıstanın yük maşınlarının Hindistana keçməsinə icazə verib

Pakistan hakimiyyəti Hindistanla ticarətin dayandırılmasından təxminən bir həftə sonra 150 əfqan yük maşınının Hindistana keçməsinə icazə verib.

Operativ Media xəbər verir ki, bu barədə Pakistan Xarici İşlər Nazirliyi tərəfindən bəyanat verilib.

Bəyanatda deyilir: “Pakistan hökuməti Əfqanıstanla qardaşlıq münasibətlərini nəzərə alaraq, Hindistana tranzit yük daşıyan və 25 aprel 2025-ci il tarixindən əvvəl Pakistana daxil olmuş Əfqanıstan yük maşınlarının yüklərin çatdırılması üçün Vagah sərhədindən keçməsinə icazə verilməsi qərara alınıb”.