Numan Kurtulmuş: Terrorsuz Türkiyə xalqımızın iştirakı ilə çiçəklənəcək

"Terrorsuz Türkiyə xalqımızın iştirakı, parlamentimizin iradəsi və hamımızın ortaq məsuliyyəti ilə çiçəklənəcək. Terrorsuz Türkiyənin qalibi bütün millətimiz olacaq".

Operativ Media xəbər verir ki, bunu Türkiyə Böyük Millət Məclisinin sədri Numan Kurtulmuş sosial media hesabındakı paylaşımında qeyd edib.

Onun sözlərinə görə, silahlı dövrün başa çatması ilə bağlı bu gün verilən açıqlama sevindiricidir.

Kurtulmuş atılacaq addımların sürətlə və heç bir tərəddüd etmədən tamamlanmasının sosial sülhə yol aça biləcək bir fürsət olduğunu vurğulayıb:

"Terror və zorakılığın legitimliyi yoxdur. İstisnasız olaraq bu torpaqlarda sülhün, ədalətin və azad fikrin hökm sürməsini təmin etmək millətimiz qarşısında borcumuzdur. Silahın kölgəsi altında həll axtarışları dünən olduğu kimi bu gün də etibarsızdır. Siyasi təsisat, məhkəmə, qanunvericilik və icra hakimiyyətləri ilə birlikdə əhalinin hər bir təbəqəsi özünü təhlükəsiz hiss etməlidir".

TBMM sədri Kurtulmuş prosesin təkcə Türkiyə üçün deyil, bütün bölgənin sülh və sabitliyi üçün tarixi bir fürsət olduğunu vurğulayıb:

"Terrorsuz Türkiyə xalqımızın iştirakı, Parlamentimizin iradəsi və hamımızın ortaq məsuliyyəti ilə çiçəklənəcək. Terrorsuz Türkiyənin qalibi bütün millətimiz olacaq. Zorakılıqsız gələcəyə və plüralist demokratiyaya açılan bu qapı millətimizin ümidlərini artırmalı, siyasi qurum bu ümidi qarşılıqsız qoymamalıdır. Birlik və qardaşlıq ruhu ilə daha güclü sabaha doğru addımlamaq diləyi ilə millətimizə xeyirli olsun”.

Qeyd edək ki, bu gün PKK terror təşkilatı buraxılma qərarını elan edib.

Təşkilatın özünü buraxması İmralı həbsxanasında həbs cəzası çəkən PKK kidrri Abdullah Öcalanın çağırışından sonra mümkün olub.