Antalyada Türkiyə, ABŞ və Suriya xarici işlər nazirlərinin üçtərəfli görüşü keçirilib - YENİLƏNİB

Antalyada NATO-ya üzv ölkələrin xarici işlər nazirlərinin qeyri-rəsmi sammiti çərçivəsində Türkiyə, ABŞ və Suriya xarici siyasət idarələrinin rəhbərləri arasında üçtərəfli görüş baş tutub.

Operativ Media Türkiyə Xarici İşlər Nazirliyinə istinadla xəbər verir ki, ABŞ dövlət katibi Mark Rubio, Türkiyənin xarici işlər naziri Hakan Fidan və Suriya xarici işlər naziri Əsəd əş-Şeybani arasında danışıqlar Belek rayonundakı NEST Konqres Mərkəzində keçirilib.

Hakan Fidan Dəməşqə qarşı tətbiq edilən bütün sanksiyaların aradan qaldırılmasına və Suriyada sabitliyin pozulmasına yol verilməməsinə çağırıb.

20:02

Türkiyənin xarici işlər naziri Hakan Fidan, Suriya xarici işlər naziri Esad Hasan Şeybani və ABŞ Dövlət katibi Marko Rubio arasında üçtərəfli görüş olub.

Operativ Media xəbər verir ki, tərəflər NATO xarici işlər nazirlərinin Antalyada keçirilən qeyri-rəsmi görüşü çərçivəsində bir araya gəliblər.

Onların hansı məsələləri müzakirə etdikləri hələ ki, açıqlanmayıb.