ABŞ və Avropa NATO çərçivəsində yük bölgüsünün gücləndirilməsində razılığa gəlib

ABŞ Ukrayna münaqişəsinin sülh yolu ilə həllində Avropanın rolunu əhəmiyyətli hesab edir.

Operaiv Media xəbər verir ki, bunu ABŞ-nin Dövlət katibi Marko Rubio NATO ölkələrinin xarici işlər nazirlikləri rəhbərlərinin qeyri-rəsmi görüşü çərçivəsində Antalyada Böyük Britaniya, İtaliya, Fransa və Almaniya xarici işlər nazirləri ilə danışıqlar zamanı deyib.

ABŞ Dövlət Departamentinin sözçüsü Tammy Bruce açıqlamasında bildirib ki, Marko Rubio və həmkarları “NATO-nun Avropada yük bölgüsünün və müdafiə xərclərinin gücləndirilməsi ilə bağlı razılığa gəliblər”.

“Rubio vurğulayıb ki, Amerika hərbi-sənaye şirkətləri transatlantik sənaye kompleksinin tərkib hissəsidir və Avropanın yenidən silahlanma səylərində kənarda qalmamalıdır”, - diplomat əlavə edib.