ABŞ-nin keçmiş Prezidentinə xərçəng diaqnozu qoyulub

ABŞ-nin sabiq Prezidenti Co Baydenə prostat xərçənginin aqressiv forması diaqnozu qoyulub.

Operativ Media xəbər verir ki, bu barədə Baydenin ofisi məlumat yayıb.

Məlumatda qeyd olunub: "Keçən həftə Prezident Co Bayden müayinədən keçdi. Testlər prostat düyünü aşkar etdi və cümə günü ona sümüyə yayılan Qlison 9 bal (Qrup 5) ilə xarakterizə olunan prostat xərçəngi diaqnozu qoyuldu".

Qeyd edilib ki, Bayden və ailəsi mövcud müalicə variantlarını həkimləri ilə birlikdə qiymətləndirirlər.