Rubio: ABŞ Vaşinqtonda İsrail səfirliyinin əməkdaşlarının öldürülməsini pisləyir

ABŞ İsrailin Vaşinqtondakı səfirliyinin iki əməkdaşının qətlə yetirilməsini qətiyyətlə pisləyir və bu hadisəni “qorxaqcasına antisemit zorakılığın həyasız təzahürü” kimi qiymətləndirir.

Operativ Media xəbər verir ki, bu barədə ABŞ dövlət katibi, eyni zamanda ABŞ Prezidentinin milli təhlükəsizlik məsələləri üzrə köməkçisi vəzifəsini icra edən Marko Rubio X sosial şəbəkə hesabında yazıb.

“Biz İsrailin Vaşinqtondakı səfirliyinin iki əməkdaşının qətlini ən kəskin şəkildə qınayırıq. Dualarımız onların yaxınları ilədir. Bu, qorxaqcasına antisemit zorakılığın həyasız hərəkətidir. Əmin olun, biz bu hadisədə iştirak edənləri tapıb məsuliyyətə cəlb edəcəyik”, – deyə Rubio qeyd edib.