Azərbaycan I Liqası: "Qəbələ" və "Mingəçevir" qələbə qazandı

Azərbaycan 1-ci Liqasında mövsümün sonuncu - 27-ci turu start götürüb.

Operativ Media xəbər verir ki, ilk oyun günündə 2 matç keçirilib.

Çempion "Qəbələ" səfərdə "Qaradağ Lökbatan"ı darmadağın edib - 3:0.

3-cü pillədəki "Karvan" isə səfərdə "Mingəçevir"ə 1:2 hesabı ilə məğlub olub. Beləliklə, "İmişli"nin 2-ci pilləni tutacağı rəsmiləşib.

Qeyd edək ki, "Qəbələ", "Karvan" və "İmişli" növbəti mövsüm üçün Azərbaycan Premyer Liqasına vəsiqə qazanıblar. 

22 may (cümə axşamı)

“Qaradağ Lökbatan” – “Qəbələ” 0:3

Qollar: A.Şuaybu, 63. S.Ələsgərov, 84. D.Massumo, 88-pen. 

“Mingəçevir” – “Karvan” 2:1

Qollar: A.Usman, 15-pen; N.Əliyev, 64 – P.Kings, 68.

Qırmızı vərəqə: M.Teymurov, 19 ("Karvan").