"Eyüpspor"un gənc çalışdırıcısı Arda Turan Ukrayna klubunu çalışdıra bilər.

Operativ Media DHA-ya istinadən xəbər verir ki, Arda Turan "Şaxtyor Donetsk" klubu ilə anlaşma əldə edib. Gənc baş məşqçi Ukrayna təmsilçisindən illik 2 milyon avro maaş alacaq. "Eyüpspor" isə bu anlaşmadan transfer haqqı qazanacaq.

Arda Turanın vidalaşmasından sonra "Eyüpspor"da baş məşqçi vəzifəsi üçün iki namizəd ön plana çıxır.

İdarə heyəti Selçuk İnan və Albert Riera üzərində dayanır. Hər iki məşqçi ilə qısa müddət ərzində danışıqlara başlanması gözlənilir. "Eyüpspor"un türk baş məşqçi ilə davam etməsi daha yüksək ehtimal kimi dəyərləndirilir.