Rusiya Xarici İşlər Nazirliyi Ukraynanı aparılan danışıqları pozmaq məqsədilə ölkənin müxtəlif regionlarına irimiqyaslı pilotsuz təyyarələrlə hücumlar təşkil etməkdə ittiham edib.
Operativ Media xəbər verir ki, bu barədə Rusiya XİN-in bəyanatı qurumun rəsmi teleqram kanalında dərc olunub.
Bəyanatda qeyd olunur ki, Kiyevin son hücum hərəkətləri ABŞ administrasiyasının köməyi ilə yenidən başlayan, münaqişənin yekun həllinə yönəlmiş birbaşa Rusiya-Ukrayna danışıqları prosesini pozmaq məqsədi daşıyır.
Nazirlik, həmçinin mayın 16-da İstanbulda tərəflər arasında əldə olunmuş ilkin razılaşmaların həyata keçirilməsinə bu hücumların mane olduğunu bildirib.
Hazırda məsələ ilə bağlı nə Kiyev, nə də ABŞ tərəfi rəsmi açıqlama verib.
