"Liverpul" "Bayer Leverkuzen"ə yarımmüdafiəçi Florian Virtz üçün ilkin təklif göndərib.

Operativ Media xəbər verir ki, bu haqda insayder Fabrizio Romano məlumat yayıb.

Mənbənin bildirdiyinə görə, "mersisaydlılar" 100 milyon avro üstəgəl bonuslar təklif ediblər. Klublar arasında danışıqlar davam edir. Futbolçunun özü Leverkuzen təmsilçisinə bildirib ki, o, yalnız "Liverpul"a keçmək istəyir.

Virtz "Bayer" ilə hazırkı müqaviləsi 30 iyun 2027-ci ilə qədərdir.

"Transfermarkt" oyunçunun dəyərini 140 milyon avro olaraq qiymətləndirir.

2024/25 mövsümündə Virtz "Bayer" üçün 45 matçda 16 qol vurub və 15 məhsuldar ötürmə edib.