Rusiya və Ukrayna arasında məhbusların kütləvi mübadiləsinin davam etdirilməsi, yalnız danışıqların gedişindən və nəticələrindən asılıdır.
Operativ Media xəbər verir ki, bu barədə Rusiya Prezidenti Vladimir Putinin mətbuat katibi Dmitri Peskov açıqlama verib.
Peskov bu məsələnin yalnız danışıqların nəticəsindən asılı olduğunu bildirərək, “əlbəttə” deyə cavab verib.
Xatırladaq ki, bundan əvvəl müharibə müxbiri Aleksandr Kots Rusiya ilə Ukrayna arasında məhbus mübadiləsinin təfərrüatlarını açıqlamışdı.
O, Ukraynanın vətənə xəyanət maddəsi ilə məhkum olunmuş bir neçə vətəndaşını Rusiyaya təhvil verdiyini qeyd etmişdi.
Rusiya Müdafiə Nazirliyi də bu günlərdə Rusiya ilə Ukrayna arasında "1000-ə 1000" düsturuna əsasən əsir mübadiləsinin başa çatdığını elan etmişdi.
