"Yuventus" Antonio Konteni baş məşqçi postuna qaytarmaq üçün işə başlayıb .

Operativ Media xəbər verir ki, bu haqda DAZN jurnalisti Orazio Accomando məlumat yayıb.

Mənbənin qeyd etdiyinə görə, Turin klubu 55 yaşlı mütəxəssisə illik 8 milyon avro maaş və bonuslar ilə üç illik müqavilə təklif edir.

Konte 2024-cü ildən "Napoli"yə rəhbərlik edir. Əvvəllər baş məşqçinin tezliklə komandanı tərk edəcəyi və onu Massimiliano Alleqri ilə əvəzləyəcəyi barədə məlumatlar yayılmışdı.

Konte 2011-2014-cü illərdə "Yuventus"u çalışdırıb. Onun rəhbərliyi altında "ağ-qaralar" üç dəfə İtaliya çempionu olub və iki dəfə İtaliya Superkubokunu qazanıb.