Alimlər saniyədə 89 min atom istehsal edən Avropanın Böyük Adron Kollayderi sürətləndiricisindən istifadə edərək qurğuşunu uğurla qızıla çeviriblər.
Operativ Media xəbər verir ki, bu barədə ABC News məlumat yayıb.
Məlumatda qeyd olunub ki, qurğuşun atomlarından üç kiçik hissəcik, proton çıxarıldıqdan sonra qızıl atomları əmələ gəlib.
Bu proses fotonüvə reaksiyası adlanır və çox qısa müddət davam edir. Təcrübə zamanı təxminən 86 milyard qızıl nüvəsi meydana gəlib. Onların ümumi kütləsi cəmi 29 pikoqram idi və çox qısa müddətdə parçalandılar.
Bu kəşf elm adamları üçün nəzəri cəhətdən əhəmiyyətli idi və qurğuşunun nüvə üsulları ilə qızıla çevrilə biləcəyini təsdiqləyirdi.
Lakin praktiki baxımdan bu proses çox səmərəsizdir. Çünki hasil edilən qızılın miqdarı çox azdır və onun istehsalı iqtisadi cəhətdən sərfəli deyil.
